३५ वर्षको जागिरपछि खेतीमा लागेका खेमराज

१६ बिघा जमिनमा फैलिएको बगैंचा यति बेला फूलले पहेँलपुर छ, मनमोहक छ। ढकमक्क फूलको यो बगैंचा हो ६० वर्षीय खेमराज शर्मा र उनका चार जना साथीहरूको।

खेमराजले ३५ वर्ष नेपाल कृषि अनुसन्धान परिषद (नार्क) मा सेवा गरे। यसअन्तर्गत उनले सल्यानको कपुरकोटस्थित अदुवा बाली अनुसन्धान परिषदमा २७ वर्ष बिताए। बागवानी पढेका उनले आफूलाई कृषिको अध्ययन–अनुसन्धानमै केन्द्रित गरेका थिए।