साउदीमा कामदार र कम्पनीको अवस्था अनलाइनबाटै जाँच गर्न सकिने

काठमाडौं । साउदी अरबमा कार्यरत नेपाली कामदार र कम्पनीको अवस्था अनलाइनमार्फत जाँच गर्न सकिने भएको छ ।

रियादस्थित नेपाली दूतावासका अनुसार एक्जिट भिसाका लागि दूतावास आउनुभन्दा अगाडि अनिवार्य रूपमा आफ्नो इकामा कहाँबाट बनेको हो यकिन गर्न अनुरोध गरिएको छ । यसका लागि दूतावासले उपलब्ध गराएको लिंकमा गएर जाँच सकिनेछ । यसरी जाँच गर्दा वर्कर नम्बरमा देखिने अगाडिको कोड नम्बर (सिटी नम्बर)बाट इकामा जारी भएको स्थान (सिटी प्रदेश) पत्ता लगाउन सकिनेछ ।