बालुवाटार बैठकमा प्रधानमन्त्री कार्की र एमाले नेता बर्तौलाबिच भनाभन

काठमाडौँ । बुधबार बालुवाटारमा बसेको सरकार, राजनीतिक दल र जेनजीबिचको त्रिपक्षीय संवादमा प्रधानमन्त्री सुशीला कार्की र एमालेका नेता महेश बर्तौलाबिच भनाभन भएको छ।

बैठकमा सहभागी एक स्रोतका अनुसार, संवादका क्रममा एमाले नेता बर्तौलाले भने, ‘यो सरकारको जग नै असंवैधानिक छ। असंवैधानिक ढंगबाट बनेको सरकारले अराजनीतिक र गलत तरिकाले संसद् भंग गर्‍यो। निः सर्त संसद् पुनर्स्थापना हुनुपर्छ। यो एमालेको बटमलाइन हो, अहिलेको प्रधानमन्त्री सर्वोच्चमा हुँदा संसद् विघटनको मुद्दा हेर्नुभएको थियो।’