बालुवाटार वार्ताको अन्तर्य : तोडियो संवादहीनता, सुरु भयो नोकझोक

१२ कात्तिक, काठमाडौं । अन्तरिम सरकार गठन भएको झण्डै दुई महिनापछि बुधबार पहिलोपटक सरकार, राजनीतिक दल र जेनजीका प्रतिनिधिहरू छलफलमा बसे । यसलाई सञ्चारमन्त्री समेत रहेका सरकारका प्रवक्ता जगदिश खरेलले ‘संवादनहीनताको अवस्था तोडिएको’ भनेका छन् ।

प्रधानमन्त्रीले आह्वान गरेका यो त्रिपक्षीय छलफलमा जेनजी र उक्त आन्दोलनबाट विस्थापित भएका तत्कालीन सरकार सञ्चालक दल नेपाली कांग्रेस र नेकपा एमालेसहितका प्रतिनिधि थिए ।