काठमाडौं म्याराथनका लागि २४ घण्टामै २५०० भन्दा बढीले गरे नाम दर्ता

१८ असार, काठमाडौं । नेपालको प्रतिष्ठित सडक दौड प्रतियोगिता सिद्धार्थ बैंक १८औं काठमाडौं म्याराथन २०२६ हुन अब केवल १०० दिन बाँकी रहेको छ । एनआरएस स्पोर्ट्स फाउन्डेसनको आयोजनामा प्रतियोगिता आगामी असोज २४ गते (अक्टोबर १०) दशरथ रंगशालाबाट सुरु हुनेछ ।

आयोजकका अनुसार यस वर्ष करिब १० हजार धावक सहभागी हुने अपेक्षा गरिएको छ । दर्ता खुलाएको पहिलो २४ घण्टामै फुल म्याराथन, हाफ म्याराथन र १० किलोमिटर दौडका लागि २,५०० भन्दा बढी धावकले नाम दर्ता गरिसकेका छन् ।