एक सचिवको काँधमा थुप्रिएको जिम्मेवारी

नेपाल सरकारले प्रशासनिक संरचना चुस्त बनाउने उद्देश्यले मन्त्रालयहरूको संख्या घटाउने निर्णयसँगै स्वास्थ्य तथा खाद्य स्वच्छता मन्त्रालयमा अब एकजना मात्र सचिव रहने व्यवस्था लागू गरेको छ । पहिलो दृष्टिमा यो निर्णय खर्च कटौती, निर्णय प्रक्रियामा तीव्रता र प्रशासनिक सरलीकरणको प्रयासजस्तो देखिन्छ ।

तर प्रश्न उठ्छ– नेपालको जस्तो जटिल भौगोलिक बनोट, सीमित स्वास्थ्य पूर्वाधार, कमजोर खाद्य अनुगमन प्रणाली र बढ्दो जनस्वास्थ्य चुनौतीबीच एकै सचिवले स्वास्थ्य र खाद्य सुरक्षाजस्ता विशाल जिम्मेवारी प्रभावकारीरूपमा सम्हाल्न सक्लान् ?