सेवा आयोगको परीक्षाका लागि परशुराम नगरपालिकाका स्कुल ५ दिन बन्द

डडेल्धुरा : डडेल्धुराको परशुराम नगरपालिकाका सामुदायिक विद्यालय ५ दिन बन्द हुने भएका छन्। शिक्षक सेवा आयोगको परीक्षाका लागि अधिकांश शिक्षकहरू विद्यालय उपस्थित हुन नसक्ने भएपछि विद्यालय बन्द गर्ने निर्णय गरिएको नगरपालिकाले जनाएको छ।

यही चैत्र १४ गतेदेखि १८ गतेसम्म विद्यालयहरू बन्द हुने प्रमुख प्रशासकीय अधिकृत तारानाथ पनेरुद्वारा जारी सूचनामा उल्लेख छ। यो ५ दिनको बिदालाई आगामी शैक्षिक सत्रको बिदाबाट कट्टा गरिनेसमेत सूचनामा उल्लेख छ। कोरोनाले लामो समय बन्द विद्यालय सञ्चालन भएको केही समयमै फेरि बन्द भएपछि विद्यार्थी भने पढाइमा समस्या हुने भन्दै निराश भएका छन्।