कर्णालीमा खसेको गाडी अझै फेला परेन, शुक्रबार पुनः खोजी हुने

कर्णाली राजमार्गको दैलेख सडकखण्डमा दुर्घटना भई कर्णाली नदीमा खसेको यात्रुबाहक गाडी हालसम्म फेला परेको छैन ।

सशस्त्र प्रहरी बल, नेपाल नं. ६ महेश्वरी बाहिनी मुख्यालय सुर्खेतको ६ सदस्यीय गोताखोर टोलीले झण्डै चार घण्टादेखि गाडीको खोजी गरे पनि पानीको सतह बढेको र वर्षापछिको बाढीले नदी धमिलो भएकाले गाडी फेला पार्न नसकिएको कर्णाली प्रदेश प्रहरी कार्यालय सुर्खेतका प्रहरी प्रमुख प्रहरी नायब महानिरीक्षक जयराज सापकोटाले जानकारी दिए। उनी करिब ५० सुरक्षाकर्मीसहित घटनास्थल पुगेका थिए।