एमालेका नेताले ‘सेन्टिफ्ल्याट’ खान्छन् : नेपाल

काठमाडौं । नेपाल कम्युनिस्ट पार्टी (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालले राष्ट्रपति हुने आशमा बसेका एमालेका नेताहरु निराश हुने बताउनुभएको छ । शनिवार काठमाडौंमा आयोजित एक कार्यक्रमलाई सम्बोधन गर्दै उहाँले यस्तो बताउनुभएको हो ।

एमालेले पार्टीका धेरै व्यक्तिलाई राष्ट्रपति बनाइदिने आश्वासन दिएको चर्चा गर्दै नेपालले भन्नुभयो– ‘एमालेले अतितमा आश्वासन दिएका व्यक्तिलाई सेन्टिफ्ल्याट खुवाउँछ । अहिले सबैतिर राष्ट्रपति पदको चर्चा छ । प्रत्येक व्यक्तिहरू म राष्ट्रपति हुने हो भनेर दंग परेका छन् । सबैलाई राष्ट्रपति पद दिइएको छ । भइहालें भन्ने सबैलाई परिरहेको छ । को–को सेन्टिफ्ल्याट खाने हो थाहा छैन ।’