कासेमिरोले रातो कार्ड पाउँदा रोकियो युनाइटेड

लण्डन । १० खेलाडीमा सीमित म्यानचेस्टर युनाइटेड आफ्नो घरेलु मैदानमा पुछारमा रहेको साउथह्याम्पटनसँग गोलरहित बराबरीमा रोकिएको छ । ब्राजिलियन मिडफिल्डर कासेमिरोले खेलको ३४ औँ मिनेटमा रातो कार्ड पाएका थिए ।

कार्लोस आल्भारेसलाई फल हानेपछि कासेमिरोलाई सुरुमा पहेँलो कार्ड देखाइएको थियो । पछि भिडियो एसिस्टेन्टको रिभ्यू पछि उनलाई रातो कार्ड देखाइयो । उनले अब ४ खेलमा प्रतिबन्धको सामना गर्नुपर्नेछ । कासेमिरोले गत महिना क्रिस्टल प्यालेसविरुद्धको खेलमा पनि रातो कार्ड पाएका थिए ।