छत्तीसगढमा भारतीय प्रहरीको एक्सन : २२ माओवादी मारिएको दाबी

नयाँ दिल्ली । छत्तीसगढमा जारी माओवादी विरोधी अभियानमा प्रहरीले २२ माओवादी मारिएको दाबी गरेको छ। बुधबार भारतीय प्रहरीले सो दाबी गरेको हो ।

सो घटनाका बारेमा छत्तीसगढका मुख्यमन्त्री विष्णुदेव साईले सामाजिक सञ्जालमा पोस्ट गर्दै भनेका छन्– ‘हाम्रा सुरक्षा बलहरूले बिजापुर जिल्लाको करेगुटा पहाडमा चलिरहेको नक्सल विरोधी अभियानमा ठुलो सफलता हासिल गरेका छन्। अहिलेसम्म २२ भन्दा बढी नक्सालवादीहरू (माओवादीहरु) मुठभेडमा मारिएको रिपोर्ट गरिएको छ।’