संविधान उल्टाउन खोज्नेलाई जनताले उचित जवाफ दिनेछन् : विमलेन्द्र निधि

नेपाली कांग्रेसका केन्द्रीय सदस्य एवं पूर्वउपप्रधानमन्त्री विमलेन्द्र निधिले सङ्घीय लोकतान्त्रिक गणतन्त्रात्मक व्यवस्थाप्रति केही तत्त्वले अराजकता मच्चाउने प्रयास गरिरहेको बताएका छन् ।

कांग्रेस धनुषा क्षेत्र ३ क्षेत्रीय समितिले शनिबार यहाँ आयोजना गरेको कार्यक्रममा उनले केही अराजक तत्त्व संविधान र वर्तमान शासन व्यवस्थाविरुद्धमा विभिन्न खालका क्रियाकलाप गर्न खोजिरहेकाले सजग र सचेत रहन अनुरोधसमेत गरे ।