चार दिनको भीषण वर्षाले विश्वकै ७ प्रतिशत दुर्लभ ओराङउटान मारिए

जर्काता । इन्डोनेसियाको सुमात्रा टापुमा लगातार चार दिनसम्म परेको अत्यधिक वर्षा र त्यसपछि आएको पहिरोले विश्वकै सबैभन्दा संकटग्रस्त बाँदर प्रजाति तापनुली ओराङउटानलाई विलुप्तिको थप नजिक पुर्‍याएको नयाँ अध्ययनले देखाएको छ ।

अनुसन्धानअनुसार, सन २०२५ को नोभेम्बरमा आएको भीषण मौसमीय प्रकोपका कारण ५८ वटा तापनुली ओराङउटान मरेका छन् । यी ओराङउटानको संख्या करिब ८०० थियो । अर्थात् यी घटनामा ७ प्रतिशत ओराङउटान मरेका छन् ।