मेटाले मुकेश अम्बानीको रिलायन्ससँग लिजमा लिएर भारतमा डेटा सेन्टर सञ्चालन गर्ने

एजेन्सी । मेटा प्लेटफर्म्सले बुधबार अर्बपति मुकेश अम्बानीको रिलायन्स इन्डस्ट्रिजबाट भारतमा १६८ मेगावाट क्षमताको एआई–सक्षम डेटा सेन्टर भाडामा लिने बताएको छ ।

पेट्रोकेमिकल्सदेखि कपडा र आमसञ्चारसम्म फैलिएको व्यापारिक घराना रिलायन्स इन्डस्ट्रिजले मेटाका लागि सो डेटा सेन्टर निर्माण गर्नेछ र दुई वर्षभित्र यो सुविधा उपलब्ध गराउनेछ । त्यसमा क्षमता विस्तार गर्ने विकल्प समेत रहने अमेरिकी कम्पनीले एक विज्ञप्ति मार्फत जनाएको छ ।