अनुमति बिना सञ्चालित ‘मारिया हस्पिटल’ सिलबन्द, तीन चिनियाँ चिकित्सकको दर्ता निलम्बन

काठमाडौं – नेपाल मेडिकल काउन्सिलले काठमाडौंको बालुवाटारस्थित ‘मारिया हस्पिटल’ (मारिया हेल्थ सेन्टर प्रालि) लाई बिना अनुमति सञ्चालन गरेको तथा विदेशी चिकित्सकमार्फत अवैध रूपमा स्वास्थ्य परीक्षण गराएको भेटिएपछि कानुनी कारबाही प्रक्रिया अघि बढाएको छ।

काउन्सिलले स्थलगत अनुगमनका क्रममा उक्त स्वास्थ्य संस्था आवश्यक अनुमति तथा क्लिनिकल मापदण्ड पूरा नगरी सञ्चालन भइरहेको पाइएको जनाएको छ। साथै विदेशी चिकित्सकहरूबाट गैरकानुनी रूपमा बिरामी परीक्षण गराइएको समेत भेटिएको काउन्सिलको निष्कर्ष छ।