व्यवसायीको चंगुलमा विधायिका, सिंहदरबारदेखि संसद्सम्मै स्वार्थको द्वन्द्व

‘ज्योतिषीले जुराएको साइत’मा गत बुधबार साँझ बालुवाटारस्थित सरकारी निवास सरेका प्रधानमन्त्री पुष्पकमल दाहाल ‘प्रचण्ड’ले राष्ट्रपतिसँग पद तथा गोपनीयताको शपथ लिएपछिका दुई दिन खुमलटारस्थित निवासबाटै सरकार चलाए। विदेशी सञ्चारमाध्यमलाई अन्तर्वार्ता दिने, निजीक्षेत्रका डेलिगेसनहरूलाई भेट्ने, सत्ता गठबन्धनका घटकहरूसँग सरकारको न्यूनतम साझा कार्यक्रमबारे छलफल गर्ने ‘भेन्यू’ खुमलटार निवास नै बन्यो। त्यही निवासको छतमा प्रधानमन्त्री दाहालले एमाले अध्यक्ष केपी शर्मा ओलीसँग गरेको ‘सुन्तला संवाद’ सामाजिक सञ्जाल मात्र नभएर सञ्चारमाध्यममा समेत ‘हटकेक’ बन्यो।