मध्य पूर्वमा बढ्दो सङ्कटको कूटनीतिक समाधान गर्न महासचिव गुटेरेसको आग्रह

संयुक्त राष्ट्रसङ्घका महासचिव एन्टोनियो गुटेरेसले बारम्बारको आक्रमणले युद्धविरामलाई खतरामा पारेको भन्दै मध्य पूर्व क्षेत्रमा स्थायी शान्ति कायम गर्नका लागि कूटनीति उपाय अपनाउन सम्बन्धित पक्षलाई आह्वान गर्नुभएको छ ।

सामाजिक सञ्जाल एक्समा महासचिव गुटेरेसले मध्यपूर्व लामो युद्धका कारण गहिरो सङ्कटमा तानिएको उल्लखे गर्दै यसको प्रभाव उक्त क्षेत्रभन्दा बाहिरसम्म पनि पुगेकोसमेत जनाउनुभएको छ । पछिल्लो समय बढेको आक्रमण अवस्था थप बिग्रन लागेको उहाँले बताउनुभएको छ, जहाँ युद्धविरामको समयमा पनि गोलावारी जारी छ । उहाँले कुनै पनि पक्ष आक्रमक नबनी थप जोखिमलाई कम गर्नुपर्ने बताउनु भएको छ ।