मनिष मिश्रद्वारा ‘शहीद सन्तति वृत्ति कोष’मा ५० हजार सहयोग घोषणा

काठमाडौँ- नेपाली कांग्रेसका नेता मनिषकुमार मिश्रले सहिद परिवारका सन्ततिका लागि स्थापना गर्न लागिएको ‘लोकतान्त्रिक शहीद सन्तति वृत्ति कोष’मा थप सहयोग गर्ने घोषणा गरेका छन्। आफ्नो जन्मदिनको अवसर पारेर उनले कोषमा थप ५० हजार रुपैयाँ जम्मा गर्ने जानकारी दिएका हुन्।

मिश्रले यसअघि विसं २०८२ जेठ २८ गते आफ्नो जन्मदिनका दिन उक्त कोष स्थापना गर्ने घोषणा गर्दै प्रारम्भिक रूपमा ५१ हजार रुपैयाँ राख्ने बताएका थिए। सोही प्रतिबद्धतालाई निरन्तरता दिँदै यस वर्ष थप रकम जोडिएपछि कोषको कुल रकम १ लाख १ हजार रुपैयाँ पुगेको उनले जनाएका छन्।