देशका विभिन्न ठाउँमा वर्षा

काठमाडौँ । नेपालमा पश्चिमी वायु, उपल्लो वायुमण्डलमा रहेको उच्च चापीय प्रणाली र नेपालको पूर्वी भूभाग नजिक तल्लो वायुमण्डलमा रहेको न्यून चापीय क्षेत्रको आंशिक प्रभावका कारण मौसम पुनः बदली भई आज (आाइतबार) विभिन्न जिल्लामा हल्कादेखि मध्यम वर्षा भएको छ ।

जल तथा मौसम विज्ञान विभागका अनुसार सोमबार ३६ मिलिमिटरसम्म वर्षा भएको छ । बदली अझै केही दिन कायम रहने विभागका सूचना अधिकारी दिनकर कायस्थले जानकारी दिएका छन् ।