प्रतिमतदाता खर्च बढेको बढ्यै

काठमाडौं : २०४८ सालको आमनिर्वाचनमा प्रतिमतदाता खर्च करिब १० रुपैयाँ थियो। त्यति बेला १ करोड ११ लाख ९१ हजार ७ सय ७७ मतदाता थिए। त्यसयता भने खर्च ह्वात्तै बढेको तथ्यांकले देखाएको छ। २०७४ सालको आमनिर्वाचनसम्म आइपुग्दा प्रतिमतदाता खर्च ५ सय ५ रुपैयाँ पुगेको थियो। २०४८ र २०७४ का दुवै चुनावमा मतदाताको संख्यामा भने त्यति फरक थिएन।

आसन्न निर्वाचनमा मतदाता १ करोड ७९ लाख ८८ हजार ५ सय १७ जना पुगेका छन्। यसपटक १० अर्ब खर्च गर्न अर्थ मन्त्रालयले निर्वाचन आयोगलाई अख्तियारी दिएको छ। हरेक निर्वाचनमा मतदान सुरु हुनुदेखि मतदान सम्पन्न गर्न र नतिजा प्रकाशनसम्म गरिने खर्चलाई भाग गरेर प्रतिमतदाता खर्च निकालिने आयोगका सहायक प्रवक्ता ऋषिराम भुसाल बताउँछन्।