अमेरिका–इरान सम्झौताले इरानी आणविक साइटमा पहुँच दिन्छ : आईएईए

न्युयोर्क । अमेरिका र इरानबिच भएको अन्तरिम शान्ति सम्झौताले संयुक्त राष्ट्रसंघीय निरीक्षकहरूलाई इरानका आणविक स्थलहरूमा पहुँच दिने व्यवस्था गरेको अन्तर्राष्ट्रिय आणविक ऊर्जा एजेन्सी (आईएईए) का प्रमुखले शुक्रबार बताएका छन् । आईएईएका प्रमुख राफेल ग्रोसीले जापानमा आयोजित पत्रकार सम्मेलनमा बोल्दै भने– ‘हामीलाई निगरानी गर्न निरीक्षण आवश्यक छ, अरू कुनै विकल्प छैन ।’

उनका अनुसार अमेरिका र इरानबिच हालै भएको अस्थायी सम्झौतामा इरानको आणविक कार्यक्रम आईएईएद्वारा निगरानी गरिने स्पष्ट उल्लेख छ । जसका लागि स्थल निरीक्षण अनिवार्य हुन्छ ।