अनेसासले सुरु गर्यो नयाँ कार्यक्रम

अन्तर्राष्ट्रिय नेपाली साहित्य समाजले मासिक नयाँ कार्यक्रम सुरू गरेको छ । 'अध्यक्षसँग अनेसासका कुरा' नाम दिइएको उक्त कार्यक्रमको पहिलो अंकमा अस्ट्रेलिया महादेशमा रहेका अनेसासका पाँचवटा च्याप्टर प्रतिनिधिले सहभागिता जनाएका छन् ।

केन्द्रीय कार्यसमितिको परिकल्पनामा अध्यक्ष गोवर्द्धन पूजाद्वारा सञ्चालित कार्यक्रमलाई उपाध्यक्ष महेश्वर शर्माले संयोजन गरेका थिए । केन्द्रीय कार्यसमितिको कार्यक्रम र गतिविधि जानकारी गर्ने तथा च्याप्टरसँग प्रत्यक्ष कुराकानी गर्ने उदेश्यले कार्यक्रम तर्जुमा गरिएको जानकारी गराउँदै अनेसास महासचिव विमला निरौलाले अनेसासको चौमासिक प्रतिवेदन प्रस्तुत गरिन् ।