६०–७५ प्रतिशत काम सकिएका आयोजनालाई पहिले बजेट दिएर पूरा गरिने: सचिव पुडासैनी

काठमाडौँ । पूर्वाधार विकास सचिव विश्वबाबु पुडासैनीले स्रोत सहमति नभई क्रमागत रूपमा सञ्चालन हुँदै आएका र अधुरा रहेका आयोजनाहरूलाई प्राथमिकताका आधारमा सम्पन्न गर्ने गरी आगामी वर्षका लागि बजेट निर्माण अघि बढाइएको बताएका छन्।

राष्ट्रिय सभा अन्तर्गत विकास, आर्थिक मामिला तथा सुशासन समितिको बैठकमा आगामी बजेटको तयारीबारे जानकारी दिँदै उनले ६०–७५ प्रतिशत काम सम्पन्न भइसकेका आयोजनालाई पहिले पूरा गर्ने तयारीका साथ स्रोत दिने काम आगामी बजेटमा हुने स्पष्ट पारेका हुन्।