दश वाणिज्य बैंकको सम्पत्ति गुणस्तर परीक्षण, निष्क्रिय कर्जा अनुपात ७.६ प्रतिशत

काठमाडौं । नेपाल राष्ट्र बैंकले अन्तर्राष्ट्रिय मुद्रा कोष (आइएमएफ) को सहयोगमा विभिन्न १० वाणिज्य बैंकको बाह्य लेखा परीक्षकबाट सम्पत्ति गुणस्तर परीक्षण गरेको छ ।

ग्लोबल आइएमई, नबिल, नेपाल इन्भेष्टमेन्ट मेगा, कुमारी,राष्ट्रिय वाणिज्य, लक्ष्मी सनराइज, हिमालयन, एनआइसी एसिया, एनएमबी र प्रभु बैंकको Loan Portfolio Review सम्बन्धी कार्य सम्पन्न भएको हो ।

Advertisement

परामर्शदाताबाट प्राप्त निष्कर्षअनुसार २०८१ चैत मसान्तको वित्तीय विवरणको आधारमाLoan Portfolio Review को लागि छनौट भएका १० ठूला वाणिज्य बैंकहरूको औसत निष्क्रिय कर्जा अनुपात ७.६ प्रतिशत र औसत पुँजी पर्याप्तता अनुपात ११.३० प्रतिशत कायम हुन आएको छ ।

प्राप्त प्रतिवेदनमा औंल्याइएका नीतिगत सुधार सम्बन्धी सुझावहरू क्रमशः कार्यान्वयन गरी बैंक तथा वित्तीय संस्थाहरूलाई थप सवलीकरण गर्दै लैजाने, पहिचान भएका जोखिम न्यूनीकरण गर्दै वित्तीय स्थायित्व कायम गर्न आवश्यक कार्यहरू अगाडि बढाइने राष्ट्र बैंकले उल्लेख गरेको छ ।