प्रत्यक्षतर्फ ८ सिटमा खुम्चियो नेपाली कम्युनिस्ट पार्टी, प्रचण्डसहित यी हुन् विजयी उम्मेदवार

काठमाडौँ । प्रतिनिधि सभा निर्वाचनको प्रत्यक्षतर्फको अन्तिम मत परिणाम अनुसार नेपाली कम्युनिस्ट पार्टी देशभरका ८ निर्वाचन क्षेत्रमा विजयी भएको छ । १६५ निर्वाचन क्षेत्रमध्ये ८ स्थानमा जित हात पार्दै नेकपा प्रत्यक्षतर्फ तेस्रो स्थानमा रहेको छ ।

निर्वाचन आयोगको तथ्याङ्कअनुसार पार्टी संयोजक समेत रहेका पुष्पकमल दाहाल ‘प्रचण्ड’ र पूर्वमन्त्री वर्षमान पुनसहितका नेताहरूले जित हासिल गरेका छन् । पार्टीका तर्फबाट रोल्पा निर्वाचन क्षेत्र नं‍ १ मा वर्षमान पुनले सबैभन्दा बढी २७ हजार ४ सय ६० मत प्राप्त गरी जित सुनिश्चित गरेका छन् ।