जेफ्री एप्स्टिनले व्यक्तिगत सम्बन्ध बनाउन खोजेको बिल गेट्सको दाबी

क्यालिफोर्निया । अमेरिकी अर्बपति व्यवसायी बिल गेट्सले अमेरिकी संसदीय समितिसमक्ष आफू र यौन अपराधमा दोषी ठहरिएका जेफ्री एप्स्टिनबीच कहिल्यै व्यक्तिगत सम्बन्ध नरहेको बताएका छन् । बुधबार अमेरिकी संसदको निगरानी समितिसमक्ष बन्द–द्वार सुनुवाइमा स्वेच्छाले उपस्थित भएका गेट्सले आफ्नो परोपकारी अभियानका लागि धनसंकलन गरिदिने एप्स्टिनको वाचा पूरा नभएपछि आफूले उनीसँगको सम्बन्ध अन्त्य गरेको बताए ।

अमेरिकी राजधानी वासिङ्टनमा भएको सुनुवाइमा गेट्सले एप्स्टिनले धनसंकलनका लागि सम्पर्क गरेका केही प्रभावशाली व्यक्तिहरूको नामसमेत समितिलाई दिएको बताइएको छ । सुनुवाइका क्रममा उनले आफ्नो वैवाहिक जीवनबाहिरका सम्बन्धबारे पनि चर्चा गर्दै एप्स्टिनले त्यसलाई आफूलाई दबाब दिन प्रयोग गरेको आरोप लगाए । समितिका सदस्यहरूका अनुसार गेट्सको बयानले एप्स्टिन प्रभावशाली साथीहरू सङ्कलन गर्ने व्यक्ति रहेको र उनी शक्तिशाली व्यक्तिहरूसँग सम्बन्ध राखेर आफ्नो प्रभाव बढाउन खोज्ने गरेको देखाउँछ ।