अञ्जुको स्वरमै हिन्दी गीत ‘जिन्दगीकी राहो मे…’

काठमाडौं । नेपाली गीतमा आफ्नो परिचय स्थापित गरेकी गायिका अञ्जु पन्तले हिन्दी भाषामा नयाँ गीत गाएकी छन् । उनको स्वरमा यतिबेला नयाँ हिन्दी गीत जिन्दगीकी राहो मे… को भिडियो सार्वजनिक भएको छ । यो गीतलाई नेपालमै तयार गरिएको अञ्जुले बताएकी छन् ।

यो गीतको शब्द निकै राम्रो भएकाले आफूले हिन्दी गीत गाएको गायिका अञ्जुले बताएकी छन् । यो गीतको शब्द आयुष्मानले लेखेका हुन् । जसमा अग्रज संगीतकार नागेन्द्र श्रेष्ठको संगीत रहेको छ । यसको संगीत संयोजन राहुल प्रधानले गरेका हुन् ।