सामुदायिक वनमा अलैंची खेती विस्तार

लमजुङका सामुदायिक र कबुलियती वनमा ब्यावसायिक रुपमा अलैंची खेती विस्तार गरिने भएको छ । डिभिजन वन कार्यालय लमजुङले चालु आर्थिक वर्षमा कृषि वन प्रणाली प्रवर्धन कार्यक्रमअन्तर्गत सामुदायिक र कबुलियती वनमा अलैंची खेती विस्तार गर्न लागेको हो ।

कार्यालयका अनुसार जिल्लाका चारवटा सामुदायिक वन र एक कबुलियती वन समूहमा गरी १६ दशमलव ५ हेक्टर क्षेत्रफलमा अलैची खेती विस्तार गरिनेछ । जिल्लाका अधिकांश कृषकको रुचि अलैची खेतीतर्फ बढ्दै गएकाले कृषकको चाहना र आय–आर्जनसँग जोडिने हुनाले कृषि वन प्रणाली प्रवर्धन कार्यक्रम गर्न लागिएको डिभिजन वन कार्यालयले जनाएको छ ।