बुटवलमा सुकुमबासीको राष्ट्रिय सम्मेलनः ११ बुँदे माग राख्दै चरणबद्ध आन्दोलन घोषणा

बुटवल । भूमिहीन सुकुमबासी तथा अव्यवस्थित बसोबासीहरूको बुटवलमा भएको राष्ट्रिय सम्मेलनले सरकारसमक्ष ११ बुँदे माग प्रस्तुत गर्दै चरणबद्ध आन्दोलनका कार्यक्रम घोषणा गरेको छ ।

सम्मेलनले भूमिहीन, दलित सुकुमबासी तथा अव्यवस्थित बसोबासीहरूको आवास, लालपुर्जा, सुरक्षित बसोबास तथा मानवअधिकार संरक्षणका विषयलाई प्राथमिकतामा राख्दै तत्काल कार्यान्वयनको माग गरेको हो ।