कोप–२६ मा प्रधानमन्त्री देउवाले भने– हिमाली मुलुकका जलवायु संवेदनशीलतालाई प्राथमिकतामा राखौं

काठमाडौं, कात्तिक १५ : जलवायु परिवर्तनसम्बन्धि राष्ट्रसंघीय खाका संरचना (यूएनएफसीसीसी) को २६ औं सम्मेलन (कोप–२६) मा प्रधानमन्त्री शेरबहादुर देउवाले हिमाली मुलुकको जलवायु संवेदनशीलतालाई प्राथमिकतामा राख्न जोड दिएका छन्।

स्कटल्यान्डको ग्लासगोमा आयोजित सम्मेलनमा प्रधानमन्त्री देउवाले हिमालका मुद्दालाई प्राथमिकतामा राखी त्यस क्षेत्रका बासिन्दाको जीवन सहज बनाउन विश्वव्यापी तापमान पनि नियन्त्रण गर्नुपर्ने सुझाव दिए।