२०२६ फिफा विश्वकपः कसरी मिलाइँदैछ सुरक्षा व्यवस्था ?

काठमाडौं । उत्तर अमेरिकामा आयोजना हुन गइरहेको सन् २०२६ को फिफा विश्वकप फुटबल इतिहासकै सबैभन्दा ठूलो र भव्य खेलकुद महोत्सव बन्दैछ । तर, यस पटकको विश्वकप केवल खेलको रोमाञ्चकतामा मात्र सीमित नभएर सुरक्षा र व्यवस्थापकीय हिसाबले अहिलेसम्मकै सबैभन्दा जटिल चुनौतीका रूपमा अगाडि आएको छ ।

३५ लाखभन्दा बढी दर्शक र विश्वभरबाट ५० करोडभन्दा बढी टिकटको माग भएको यस प्रतियोगिताले उत्तर अमेरिकी सहरहरूको सुरक्षा संयन्त्रलाई कडा चुनौती दिने देखिन्छ । उदाहरणका लागि, अमेरिकाको कन्सास सिटीले मात्रै यसै समरमा ६ लाख ५० हजारभन्दा बढी पर्यटक भित्र्याउने अपेक्षा गरेको छ । यहाँको चर्चित ‘कन्सास सिटी स्टेडियम’ आगामी जुन १६ तारिखमा साविक विजेता अर्जेन्टिना र अल्जेरियाबीचको खेलबाट विश्वकपको सरगर्मी सुरु हुँदैछ ।