फास्ट ट्र्याकको  धेद्रे सुरुङ दुवैतर्फ छिचोलियो

धेद्रे, मकवानपुर — काठमाडौं–तराई/मधेश द्रुतमार्ग (फास्ट ट्र्याक) मा पर्ने दुई वटा सुरुङ दुवैतर्फ छिचोलिएका छन् । मकवानपुरका लेनडाँडा र धेद्रेमा रहेका निजगढबाट काठमाडौंतर्फ आउने अनि काठमाडौंबाट निजगढतर्फ जाने दुई वटै सुरुङ छिचोलिएका हुन् । धेद्रे सुरुङको निजगढबाट काठमाडौंतर्फ आउने खण्ड गत जेठमा छिचोलिएको थियो, यसको दूरी १.६५ किमि छ ।

धेद्रेकै काठमाडौंबाट निजगढतर्फ निस्कने १.७२८ किमि दूरीको सुरुङको भने सोमबार प्रधानमन्त्री केपी शर्मा ओलीको उपस्थितिमा ‘ब्रेक थ्रु’ गरिएको हो ।