चार्जिङ स्टेसन कहिले बनाउने ?

राष्ट्रिय निर्धारित लक्ष्य (एनडीसी) मा सरकारले विद्युतीय सवारीलाई प्रवद्र्धन गर्ने घोषणा गरेको छ। तर, विद्युतीय गाडीको प्रयोग बढाउने घोषणा कागजमा भेटिन्छ, व्यवहार र लक्ष्यमा भेटिदैन। किनभने, विद्युतीय सवारीका लागि भौतिक पूर्वाधार निर्माण गर्नेदेखि सर्वसाधारणलाई आकर्षण गर्ने कुनै योजना सरकारको देखिँदैन।

विद्युतीय सवारीका लागि नभई नहुने पूर्वाधार हो, चार्जिङ स्टेसन। पेट्रोलपम्प जस्तै जहाँसुकै चार्जिङ स्टेसन बन्ने र सहजै रूपमा चार्जिङ गर्न पाए मात्रै विद्युतीय गाडीतर्फ उपभोक्ता आकर्षित हुने निश्चित छ। त्यसका लागि मुख्य राजमार्ग, ठूलाठूला व्यापारिक भवन, सुपरमार्केट, सिनेमा हल, पार्क, विश्वविद्यालय, सरकारी निकाय, होटल तथा रेस्टुराँका पार्किङ स्थलमा चार्जिङ स्टेसन बनाउनुपर्छ।