गाडीका पार्टपुर्जाहरूको अवैध ओसारपसार र कारोबारमा वृद्धि

काठमाडौँ । नेपाल र छिमेकी मुलुक भारतको खुल्ला सिमानाको फाइदा उठाउँदै पछिल्लो समय गाडीका पार्टपुर्जाहरूको अवैध ओसारपसार तथा कारोबारमा वृद्धि भएको छ । जसका कारण वैधानिक रूपमा कर तिर्ने व्यवसायीहरू मारमा परेका छन् भने राज्यलाई प्राप्त हुने राजश्वको ठुलो हिस्सा पनि गुमिरहेको छ ।

विश्वव्यापी महामारी कोभिड १९ का कारणले आक्रान्त भएका व्यवसायीहरू बैङ्किङ नीतिमा आएको नीतिगत परिवर्तन तथा चर्को ब्याजले व्यवसाय धान्न मुस्किल भएको अवस्थामा यस किसिमका अवैध कारोबारका कारणले व्यवसायीहरू व्यवसायबाट नै पलायन हुने अवस्थामा पुगेका हुन् ।