भारत-पाकिस्तान भिडन्तमा अमेरिका र चीनको अप्रत्यक्ष लडाइँ

६ वर्षअघि भारत र पाकिस्तानबीच सैन्य टकराव उत्पन्न हुँदा अमेरिकी अधिकारीहरू निकै चिन्तित भएका थिए। मध्यरातमा विदेशमन्त्री माइक पोम्पेओलाई ब्युँझाएर सो खबर दिइएको थियो। त्यसपछि आफूले दुवै पक्षलाई फोन गरेर अर्को पक्ष आणविक युद्धको तयारीमा नरहेको भन्दै विश्वस्त तुल्याउनुपरेको पोम्पेओले आफ्नो संस्मरणमा लेखेका छन्।

र, त्यो झडप तुरुन्तै सेलायो पनि। तर, यसपालि फेरि कस्मिरमा आतंकवादी हमलापछि यी दुई मुलुकबीच सैन्य टकराव निम्तिएको छ। यसपालि उनीहरूबीच नयाँ अनिश्चितता देखिन्छ। किनभने यी दुई देशको सैन्य गठबन्धन यो ६ वर्षको बीचमा बदलिएको छ।