जग्गा नामसारी गर्ने व्यक्ति भारतमा, मुआब्जा रोक्काको पत्र फिर्ता

बुटवल । दुई महिना अगाडि गौतमबुद्ध अन्तर्राष्ट्रिय विमानस्थलको जग्गा व्यक्तिको नाम दर्ता प्रकरणमा मुछिएका मुख्य व्यक्ति पर्वतराज कान्त मिश्र हाल सरकारी संयन्त्रको सम्पर्कमा छैनन् । जग्गा आफ्नो नाममा गराएका मिश्र भारतमा बसोबास गर्छन् ।

यता २०८० साल वैशाख ८ गते मालपोत कार्यालय रुपन्देहीबाट उनको नाममा जग्गा पास गराउने गिरोह नै अहिले उक्त प्रकरणलाई थामथुम पार्न सक्रिय रहेको छ । यतिसम्म कि गौतमबुद्ध विमानस्थल सुदृढीकरण कार्ययोजना कार्यान्वयन इकाईले मुआब्जा रोक्काको पत्र समेत बुझेको छैन ।