फागुन अन्तिम मंगलबार थानीमाइमा २७ फूलको डोली

तनहुँ । फागुनको चौथो आज (मंगलबार) तनहुँको भानु–७ थानीमाई मन्दिरमा विभिन्न जिल्लाबाट २७ वटा डोली भित्रिएका छन् । तनहुँ, लमजुङ, गोरखा, चितवन र काठमाडौँबाट गरी २७ डोली मन्दिर परिसरमा भित्रिएको मन्दिर व्यवस्थापन समितिले जनाएको छ ।

डोलीसँगै करिब तीन हजार भक्तजनले मन्दिरमा पुगेर देवीको दर्शन गरेका छन् । भक्तजनको ठुलो सहभागिताले मन्दिर क्षेत्रमा बिहानैदेखि धार्मिक माहोल बनेको समितिका अध्यक्ष जीवन थापा मगरले जानकारी दिए ।