लयमा फर्केको मुम्बईको लगातार तेस्रो जित

हैदरावाद — मुम्बईले इन्डियन प्रिमियर लिग २०२३ मा मंगलबार सनराइज हैदरावादलाई १४ रनले पराजित गरेको छ । सुरुआती दुई खेल गुमाएको मुम्बई लयमा फर्किएको छ । यो उसको लगातार तेस्रो जित हो ।

यससँगै मुम्बई ६ अंकका साथ छैटौं स्थानमा छ । हैदरवाद भने ४ अंकमै सीमित रहेर नवौं स्थानमा छ । क्यामरुन ग्रिनले ४० बलमा बनाएको ६४ रनको मद्दतले मुम्बईले पहिले ब्याटिङ गर्दै ५ विकेटमा १ सय ९२ रन बनाएको थियो ।