फिफाले हाइटीलाई बनायो जर्सी फेर्न बाध्य

मेक्सिको । फिफा विश्वकप २०२६ को उद्घाटन खेल सुरु हुन केही दिनअघि हाइटीको राष्ट्रिय फुटबल टोली आफ्नो जर्सीको डिजाइन परिवर्तन गर्न बाध्य बनेको छ । फिफाले जर्सीमा युद्धको झल्को दिने चित्र समावेश गरिएको भन्दै त्यसलाई प्रतिबन्ध लगाएको छ ।

बुधबार इन्स्टाग्राममार्फत जारी विज्ञप्तिमा खेल सामग्री निर्माता साएटाले जर्सी परिवर्तनको पुष्टि गरेको हो । फिफाले सन् १८०३ को भेर्टिएर्सको युद्ध झल्काउने चित्रणप्रति आपत्ति जनाएको थियो । उक्त युद्धले हाइटीलाई स्वतन्त्रता दिलाएको थियो । खेलाडीहरूले फ्लोरिडा राज्यमा खेलेका दुई अभ्यास खेलमा लगाएको जर्सीमा हाइटीको राष्ट्रिय झण्डासहितको त्यो चित्र प्रस्टसँग देखिएको थियो ।