पूर्वी तराईमा बाढीको वितण्डा
annapurnapost.com · Wed Jun 29 00:36:00 GMT 2022
प्रदेश १ मा अविरल वर्षा हुँदा स्थानीयवासी बाढी र डुबानको चपेटामा परेका छन्। पूर्वी तराईका जिल्ला मोरङ, सुनसरी र झापा प्रभावित भएका छन्। दर्जनौं परिवार विस्थापित बनेका छन्। भौतिक संरचनामा क्षति पुगेको छ। मोरङमा एक जनाको मृत्यु भएको छ। मंगलबार बिहानदेखि निरन्तर वर्षा हुँदा खोलाको जलस्तर बढेर विगतजस्तै समस्या निम्तिएको हो।
विराटनगर महानगरपालिकासहित मोरङका आठ स्थानीय तह नराम्ररी प्रभावित भएका छन्। १ सय ४४ परिवार विस्थापित भएका छन्। उनीहरूलाई सुरक्षित स्थानमा सारिएको प्रहरीले जनाएको छ। बाढी र डुबानका कारण विस्थापित हुनुपर्ने समस्या वर्षौदेखि कायमै रहेको बताउँछन् विराटनगर–१८ का शम्भुकुमार यादव। चुनावका बेला घर–घरमा भोट माग्न आएका स्थानीय नेता, कार्यकर्ता यो बेला बेखबर बनेको गुनासो उनको छ।
स्रोतमा पूरा पढ्नुहोस् (annapurnapost.com)