एमालेलाई ठूलो धक्का : नेपाल

काठमाडौँ, माघ २९ गते ।

नेपाल कम्युनिस्ट पार्टी (एकीकृत समाजवादी)का अध्यक्ष माधवकुमार नेपालले सुदूरपश्चिम प्रदेश सरकार ढलेर नेकपा (एमाले)लाई ठूलो धक्का लागेको दाबी गर्नुभएको छ । राष्ट्रिय जनसांस्कृतिक महासङ्घ (समाजवादी)को बैठकलाई शनिबार सम्बोधन गर्दै उहाँले सुदूरपश्चिम प्रदेश सरकार ढलेर एमालेलाई ठूलो धक्का परेको र सो क्रम राष्ट्रपति निर्वाचनसम्म नै कायम हुने तर्क गर्नुभयो ।