महानगरको छात्रवृत्तिले पारदर्शी बन्दै निजी विद्यालय

काठमाडौं महानगरपालिकाले शैक्षिक सत्र २०८२/८३ का लागि कक्षा ११ र १२ मा संस्थागत शिक्षण संस्थामा छात्रवृत्ति कोटामा अध्ययन गर्न इच्छुक विद्यार्थीका लागि सञ्चालित प्रवेश परीक्षा नतिजा प्रकाशन गरी मनोनयन कार्य सुरु गरेको छ।

सरकारले विद्यालय तहको छात्रवृत्तिमा जेहेनदार र लक्षित वर्गको पहुँच पुर्‍याउने लक्ष्यसहित छात्रवृत्ति कार्यक्रम कार्यान्वयनमा ल्याए पनि निजी विद्यालयले उपलब्ध गराउने १० प्रतिशत छात्रवृत्तिमा विगतमा भनसुनकै आधारमा पाउने गरेको थियो।