कर्णाली प्रदेशसभा पुनर्निर्माणको तयारी

वीरेन्द्रनगर — कर्णाली प्रदेशसभा पुनर्निर्माणको तयारी गरिएको छ । गत भदौ २३/२४ गते भएको जेन- जीको आदोलनको क्रममा आगलागीबाट ध्वस्त पारिएको प्रदेशसभा पुनर्निर्माण गर्ने निर्णय गरिएको छ ।

प्रदेशसभा पुनर्निर्माणका लागि कार्यव्यवस्था तथा परामर्श समिति बैठक बसेको छ । सभामुख नन्दा गुरूङको अध्यक्षतामा बसेको बैठकले चालु आर्थिक वर्षको नियमित बजेटबाट पुनर्निर्माण गर्ने निर्णय गरेको हो । सभामा आगलागीपछि पहिलो पटक बसेको यो बैठकले सुरूवातमा सचिवालय र दलका पदाधिकारीहरूको कार्यालय पुनर्निर्माण गर्ने निर्णय गरेको छ ।