यो वर्ष पानी कम पर्ने, विपद थप खतरनाक हुनसक्ने !

नेपाल लगायत हिन्दुकुश–हिमालय क्षेत्रका केही भागमा यो बर्ष सामान्यभन्दा कम वर्षा हुने पूर्वानुमान गरिए पनि यसले विपद्को जोखिम घटने अपेक्षा गर्न नहुने वैज्ञानिकले चेतावनी दिएका छन् । छोटो समयमा अत्यधिक वर्षा, बढ्दो तापक्रम र गहिरिँदो जलसंकटले यस वर्षको मनसुनलाई झन् खतरनाक बनाउन सक्ने उनीहरुको तर्क छ ।

इसिमोडद्धारा प्रकाशित ‘हिन्दुकुश–हिमालय मनसुन आउटलुक–२०२६’ नामक प्रतिवेदनले भुटान, भारत, नेपाल र पाकिस्तानलगायतका देशमा यो बर्ष सामान्यभन्दा कम वर्षा हुने प्रक्षेपण गरेको छ । साथै, यो क्षेत्रका अधिकांश भागमा तापक्रम सामान्यभन्दा बढी रहने अनुमान गरिएको छ ।