५४ सन्तानका पाकिस्तानी पिता मजीदको निधन

चौपन्न सन्तानका पिताको नामले परिचित पाकिस्तानी अब्दुल मजीदका निधन भएको छ । हर्ट अट्याक भएर उनको निधन भएको उनका परिवारका सदस्यले जनाएका छन् । ७५ वर्षीय मजीद जीवनमा ६ पटक विवाह गरेका थिए ।

मजीद पहिलो पटक १८ वर्षको हुँदा विवाह गरेका थिए । उनका ६ श्रीमतीमध्ये दुई श्रीमतीको निधन भइसकेको थियो । उनका ५४ सन्तान मध्ये १२ जनाको निधन भएको सञ्चार माध्यमले जनाएका छन् । जीवित ४२ बच्चा मध्ये २२ जना छोरा र २० छोरी रहेका छन् ।