कोरोला नाका पुगेका परराष्ट्रमन्त्री ज्ञवालीलाई चीनले शिष्टाचार पनि देखाएन

प्रदिप ज्ञवाली कोरोला नाकामा । तस्विर स्रोत मन्त्री ज्ञवालीको ट्वीटरबाट ।

मुस्ताङ । परराष्ट्रमन्त्री तथा सरकारका प्रवक्ता प्रदिप ज्ञवाली सहितको एक जम्बो टोली बुधवार कोरोला नाका तथा सीमा स्तम्भहरुको निरिक्षण भ्रमणमा मुस्ताङ आइपुगेको थियो । सरकारकै उद्योग वाणिज्य तथा आपूर्ती मन्त्री लेखराज भट्ट समेत भ्रमण दलमा सहभागि थिए । उद्योग मन्त्रालयकै सचिव चन्द्रकुमार घिमिरे, वाणिज्य सचिव वैकुण्ठ अर्याल, भौतिक पूर्वाधार तथा यातायात सचिव देवेन्द्र कार्की पनि भ्रमण दलमा सहभागि थिए । यद्यपी कतिपय कोरोला नाकाबाट फर्किदा सरुवा परिसकेका छन् । भन्सार विभागमा महानिर्देशक सुमन दाहाल पनि भ्रमण दलमा रहि काठमाडौंबाट मुस्ताङका लागि आएका थिए । काठमाडौंको टोली सिम्रिक एयरको हेलिकप्टरबाट मुस्ताङ झरेको थियो।