हर्कको टिप्पणीः खुट्टाको घाउ निको पार्नेभन्दा पनि नयाँ जुत्ता किन्नेतिर ध्यान दिने बजेट

काठमाडौं । प्रतिपक्ष दल श्रम संस्कृति पार्टीका अध्यक्ष हर्कराज राईले सरकारले ल्याएको बजेटले मुलुकको वास्तविक समस्या समाधान गर्न नसक्ने दाबी गरेका छन् । आगामी आर्थिक वर्षको बजेटमाथिको छलफलमा भाग लिँदै उनले बजेटका कतिपय प्रावधानप्रति असन्तुष्टि व्यक्त गरे ।

अध्यक्ष राईले देशको समस्यालाई खुट्टाको घाउसँग तुलना गर्दै सरकारले ल्याएको बजेटले घाउ निको पार्नुभन्दा पनि नयाँ जुत्ता किन्ने खालको काम गरेको भन्दै कटाक्ष गरे । ‘बजेट भनेको समस्या समाधान गर्नतिर केन्द्रित हुनुपर्छ कि नयाँ जुत्ता किन्नेतिर ? खुट्टाको घाउ उपचार गर्नेतिर हाम्रो ध्यान जानुपर्छ,’ उनले भने ।