आगलागीबाट लाखौंको क्षति

काठमाडौंको नागार्जुन नगरपालिका–२ ठुलोभ¥याङ नजिक सडकमा पार्किङगरी राखेको बा.१ प ९८४ नम्बरको बसमा गएराति आगलागी हुँदा बस पूर्णरुपमा जलेर क्षति भएको छ । आगलागीको कारण खुल्न नसकेको प्रहरीले जनाएको छ ।

यसैबीच तेह्रथुमको आठराई गाउँपालिका–२ खाम्लालुङ चिसापानी बस्ने ४९ वर्षीय अस्मन फोम्बोले आफ्नै कच्ची घरमा शुक्रबार दिउँसो आगजनी गर्दा घरको माथिल्लो भाग, अन्नपात लगायतको सरसामान पूर्णरुपमा जलेर नष्ट भएको छ । त्यसबाट करिब ३ लाख १७ हजार रूपैयाँ बराबरको धनमाल नष्ट भएको प्रहरीले जनाएको छ । फरार रहेका अस्मन फोम्बोको प्रहरीले खोजी गरिरहेको छ ।