पारस बाग्मती प्रदेश क्रिकेट संघको अध्यक्षमा निर्वाचित

काठमाडौं । नेपाली क्रिकेट टिमका पूर्वकप्तान पारस खड्का बाग्मती प्रदेश क्रिकेट संघको अध्यक्षमा निर्वाचित भएका छन् । काठमाडौंमा शुक्रबार भएको दोस्रो साधारण सभाले खड्कालाई प्रदेश संघको नेतृत्वमा निर्वाचित गरेको हो ।

अध्यक्षका प्रत्यासी उमेश पियालाई हराउँदै खड्का अध्यक्षमा निर्वाचित भएका हुन् । कुल ३७ मतमध्ये खड्काले २३ मत पाए भने पियाले १४ मत प्राप्त गरेका थिए । यस्तै, उपाध्यक्षमा प्रेमबहादुर क्षेत्री २३ मतका साथ निर्वाचित भए । उनका निकट्तम प्रतिस्पर्धी रुपक रञ्जितले १४ मत पाए ।