नेपालमा उत्पादन हुने औषधि गुणस्तरीय बनाउनुपर्छः मन्त्री बस्नेत

काठमाडौँ : स्वास्थ्य तथा जनसङ्ख्या मन्त्री मोहन बहादुर बस्नेतले नेपालमा उत्पादन हुने औषधिलाई गुणस्तरीय बनाउनुपर्ने बताएका छन्। स्वास्थ्य पत्रकार मञ्च नेपालले आइतबार काठमाडौँमा आयोजना गरेको नेपाली औषधि उद्योगको विकास र चुनौती विषयक अन्तरक्रिया कार्यक्रमलाई सम्बोधन गर्दै मन्त्री बस्नेतले औषधिको उत्पादनसँगै गुणस्तरमा पनि उद्योगीहरूले ध्यान दिनुपर्ने बताएका हुन्।

साथै उनले काम गर्ने क्रममा झन्झट भएकोमा त्यसको निरूपणमा आफू लाग्ने प्रतिबद्धता समेत व्यक्त गरे। उनले भने ‘तपाइले देशका लागि जनताका लागि राम्रो काम गर्दागर्दै बढी दुःख पाउनुभयो भने त्यो पनि कुनै व्यक्तिका कारणले भने म त्यसो हुन दिन्न तर नीति गत कुरा हो भने त्यसमा सबै पक्षको साथ र सहयोग आवश्यक पर्छ मैले एक्लै सक्ने कुरा भएन तर स सधैँ प्रयासरत भने रहन्छु।’